Dialèto verónése: inìssiatìva de l’Assóciassión “Al Calmiér”, Verona. Trè cónfarènse, che le g’avarà lógo, néle sére del 26 de ótóbre, del 2 e del 9 de nóvèmbre 2021, àle 21,00.
Tanti Verónési i-è ‘ntéréssàdi àla léngua, che i parla tùti i giórni e i vórìa, par quésto, savèrghene ‘n póco de più: ‘na bèla curiosità culturàl…, a dìr la vérità. Par çércàr de ‘ndàr ‘ncóntro a sta bràva zénte, amànte de la cùltùra, ànca se, de sécuro, nó se pódarà sódisfàr tùti, la storica Assóciassión “Al Calmiér” la organìza, par le sére dei giórni 26 de ótóbre, del 2 e del 9 de nóvèmbre 2021, néla sala de “El Calmiér” istésso, àle 21, trì ‘ncontri, sul Dialèto verónése, ‘n dó’ se parlarà, par quanto póssibile, de stòria, de prónùnçia, de gramàtica, de scritùra e de dérivassióni del nostro dialèto. Nò mancarà la létùra de pàine dialètài, alégre e adàte a créàr sérénità. Par quanto réguàrda détài e altre ‘nfórmassióni, sarémo più préçìsi, en un sécóndo tempo, ma, ‘ntànto, se pól cóntatàr: alcalmierescs@gmail.com , 349 739 8348.
El Verónése

|